درس من رصيف هنيه

 

عـ الرصيف
درس من ضمن الدروس
للـ  رافض يسمعه
 و اللى قال إنه كابوس

درس قاسى .. للـ خان
و اللى حاكم .. و اللى باع
و اللى بيهادن جيوش الأمريكان
 

عـ الرصيف
لقطة من عمق القضية
لقطة بتربي النفوس
صورة حية مش عادية

نظرة حادة من هنية
نظرة ترعب كل ظالم
زى ضرب البندقية

عـ الرصيف
صورة .. و بتنزف جراح
لقطة بتعزي الشهامة .. اللى ضاعت
و العمالة و الخيانة ..  و اللى راح

انت تعرف يا هنية
ان خطتهم خبيثة
خطة صهيـ أمريكية

ضيعوا بيها البلاد
فيها ضاعت القضية
و منها بيحاربوا الجهاد

انت قلت بكل قوة من زمان
ان ارض القدس .. هى ارضنا
و الوسيلة حرب كانت .. او سلام

و احنا بنقولها معاك
مش كلام و مش حماسة
بكرة تعرف .. ان فيه .. ملايين وراك

بكرة يبقى فى كل دولة .. كرسى حاكم
كرسى احسن مـ الرصيف
كرسى غير كرسى المحاكم

كرسى .. و هيقعد عليه .. حاكم نظيف
كرسى .. غير كرسى الخيانة
كرسى عادل .. و الرئيس راجل شريف

بكرة اجمل .. بكرة يرجع مجدنا
بكرة فيه حرية أكبر بالإيمـان
بكرة دا مليان آمان .. بكرة راجع حقنـا